Mjekja obsetër gjinekologe Arbesa Qinami ka komentuar sjelljen në jetë në maternitetin “Mbretëresha Geraldinë” të bebes me peshën më të madhe të lindur në 10 vitet e fundit, 6150 gr. nëpërmjet një lindje natyrale.
Postimi u bë nga ministria e Shëndetësisë Albana Koçiu si një rast suksesi ku ndër të tjera shkruante: “Mirënjohje nga zemra për stafin mjekësor dhe infermieror, pasi falë punës dhe përkushtimit të tyre nëna dhe bebi gëzojnë shëndet të plotë.”
Reagimi i doktoreshës:
“-para lindjeve duhet të bëhet eko për të vlerësuar peshën e bebit. Në moment , ose maksimumi të jetë eko e dy javëve të fundit.
-nëqoftëse pesha është mbi 4500 gr. Rekomandohet lindje cesariane
-përjashtohen këtu rastet kur është fëmija i dytë , apo më shumë dhe fëmija i parë ka qenë mbi 4500 gr. Por, kjo duke marrë përsipër rrezikun e komplikacioneve tepër serioze.
-lindje vaginale 6150 gr. Më shumë se rast për mburrje është rast për rivlerësim të protokollit nëqoftëse ka të tillë . Komplikacionet janë aq të mëdha sa realisht nuk ja uroj asnjërës prej nesh. Por, fitimtarët nuk gjykohen kurrë! Të paktën mos e trumbetoni, sepse më shumë se çdo gjë tregon mungesë profesionalizmi”, shkruan doktoresha.
Ajo tregon më tej eksperiencën e saj personale.
“Kur isha në Varshavë lindi një bebe 5400/5500 gr nuk e mbaj mend fiks.
-në eko pati dalë diku 4400 gr. lindje e dytë. Në momentin që lindi koka , unë dhe mamia zgurdulluam sytë . Instiktivish fillova manovrat që të mos pengohej lindja e supeve /shpatullave. (Pas daljes së kokës, moment tjetër kyç është lindja e supeve). Çdo gjë shkoi mirë.
-të nesërmen në mbledhjen e mëngjesit shefi tha: Jupërgëzoj që shkoi gjithçka mirë. Fituesit nuk gjykohen. Është fati juaj që s’pati komplikacione. Ndryshe s’do kishte avokat që t’ju merrte përsipër e do përfundonit të gjithë në burg, nëqoftëse diçka do i kishte ndodhur fëmijës”, përfundon ajo.
