Riselma Telo
Automjetet publike që kryejnë linjat interurbane shihen cdo ditë të ndalojnë vënd e pa vënd ne akse të ndryshme rrugore, sidomos ne segmentin Plepa – Golem. Në redaksinë tonë kanë arritur disa foto ku duken hapur shkeljet e bëra nga ana e këtyre mjeteve duke vënë në rrezik jetën e pasagjerëve dhe të personave që ndodhen në mjetet pas tyre. Ndonëse është e shkruar e zeza mbi të bardhë për rregullat e qarkullimit rrugor, ne jemi mësuar të shohim shpesh pakujdesi dhe shkelje të kësaj natyre.
Edhe pse këto pakujdesi venë në rrezik jetën e cilit do prej nesh, askush nuk ka marrë masa përkatëse. Kodi Rrugor i Republikës së Shqipërisë, përcakton saktë në nenin 2 se : Është e ndaluar në autostrada dhe në rrugë interurbane kryesore të ndalojnë automjete për marrjen e pasagjerëve. Këto automjete duhet të qëndrojnë në zona të caktuara të cilat janë parashikuar, me hyrje e dalje, të paisura përkatësisht me korsi ngandalësimi dhe shpejtësie.
Për aq kohë sa të tilla pakujdesi që janë burim aksidentesh të lejohen nga ana e autoriteteve përkatëse , ky aks do të ngelet një ndër akset më të rrezikshëm për këto dhe të tjera problematika./shendeti.com.al
