Gazetare: Klevisa GJIKA
Ministria e Shëndetësisë po përgatitet për ecurinë e pandemisë në vendin tonë dhe për këtë po rrit kapacitetet njerëzore për spitalet COVID -3 dhe COVID – 4.
“Nuk do mjaftohemi me kaq por po rrisim kapacitetet. Burimet njerëzore janë të fundme, nëse ske burime njerëzore është problem ndaj po punojmë për rritjen e kapaciteteve njerëszore, skuadrave rezervë që të përgjigjemi cdo situate”, tha ministrja.
Gjatë dorëzimit të aparaturave të reja mjekësore, ndihmë këto nga Bashkimi Europian për spitalet Covid, Manastirliu kërkoi ndërgjegjësim për situatën aktuale.
“Duhet të kuptojmë se s’mund të kemi një polic e inspektor pas cdo qytetari.
Ndaj duhet sakrificë dhe përgjegjësi individuale për të bërë ato veprime të thjeshta që ndikojnë në uljen e përhapjes së infeksionit”, shtoi më tej.
Gjatë mbajtjes së fjalës ajo apeloi se nuk duhet të bëhet politikë me virusin: “Nuk mund të bëhet politikë me visurin. Mjekët e infermierët e dinë mirë se c’po shohin e po përjetojnë. Familjarët e dinë mirë së c’përjetojnë ndërsa presin një lajm. Nuk është asnjëherë vonë për të kthyer paqen e të bëjmë c’ka kërkohet në këto momente. Të ndërgjegjësojnë njerëzit për të zbatuar masat e thjeshta. Kur e patën mundësinë të drejtojnë vendin nuk bënë asgjë.
Sistemi ynë shëndetësor është i brishtë mos e vendosim në një stres që është e vështirë për ta mbajtur. Vende shumë të zhvilluara arritën në kolaps, ndaj një thirrje për të gjithë për të vijuar me ndërgjegjësimin e qytetarëve, të rinjve për t’u bërë ata agjentë të ndryshimit, nuk ka më normalitet të vjetër, ka normalitet të ri, që na detyron të jetojmë me rrëgulla e kjo jetesë me rregulla do na bëjë të mundim këtë virus”.
