Ministrja e Shëndetësisë, Ogerta Manastirliu ka dhënë urdhër që në të gjitha pikat kufitare dhe në aeroportin e vendit, të jenë të pranishtme grupe të posaçme mjekësh.
Këta mjekë do të bëjnë të gjitha kontrollet e nevojshme të personave që vijnë nga jashtë Shqipërisë për në vendin tonë.
Ajo çfarë e favorizon Shqipërinë është që nuk ka rrugë direkte komunikimi me Kinën, dhe personat që vijnë nga Kina dhe vendet e tjera rreth saj, kalojnë dhe pika të tjera kontrolli përpara se t’i nënshtrohen kontrollit përsëri në vendin tonë.
Ditën e sotme efektivët e policisë në pikën e kalimit kufitar të Hanit të Hotit në Shkodër, që lidh Shqipërinë me Malin e Zi, kanë bllokuar një furgon me 9 pasagjerë të ardhur nga Kina të cilët kishin për qëllim të vizitonin Shkodrën.
Mjeku Ardian Këlliçi i cili mbulon zonën e Kelmendit që përfshin edhe pikën kufitare të Hanit të Hotit pas kontrolleve të turistëve kinezë u shpreh se ata nuk kishin asnjë shenjë dhe është dhënë konfirmimi për ta kaluar pikën kufitare të Hanit të Hotit e për të vijuan rrugëtimin e tyre drejt qytetit të Shkodrës, nga ku do të rikthehen pas pak orësh sërish në Malin e Zi.
