Sistemi shëndetsor ka mungesa të theksuara të mjekëve specialistë. Ky është një nga shqetësimet kryesore që kërkon zgjiedhje emergjente në të gjitha hallkat e shëndetsisë. Këtë fakt e ka pranuar vetë kreu i shëndetsisë Ilir Beqja i cili tha se ky është një nga prioritetet e dikasterit që ai drejton për të rritur numrin e profesionistëve .
”Janë ngritur grupe pune për të verifikuar shkaqet e humbjes së jetës së fëmijës, ndërsa ajo që ndodhi në Korçë e quaj të papranueshme, duke ditur largësinë e spitalit nga gjykata.”tha Ilir Beqja, ministër i shëndetsisë
“Është realitet i pashmganshëm, i pamohueshëm tashmë se kemi mungesa të theksuara mjekësh e profesionistësh të shëndetit për një numër të gjerë specialitetesh, dhe kjo, jo vetëm në zonat rurale, por në zonat urbane.
Kemi nevojë për më shumë mjekë, për më shumë kualifikim, dhe nisma që kemi ndërmarrë dhe do të ndërmarrim, do ta përmirësojmë kujdesin shëndetësor në vend”, theksoin Beqja.
Këto deklarata ministri Beqja i bëri gjatë çeljes së një kursi trajnimi 3-vjeçar për mjekët e përgjithshëm dhe ata të familjes, për njohjen sa më mirë të patologjive që prekin zemrën. Pasi janë pikërisht këto sëmundjet kardiovaskualare ato që po renditen të parat për numrin e lartë të vdekjeve. Këtë e dëshmojnë dhe shifrat që kanë raportuar mjekët specialistë.
Përballë faktit se mungojnë mjekët specialistë, si në shërbimin parësor dhe atë terciar qëndron dhe situata problematike e krijuar ndër vite, bllokimi i procesit të specializimeve në universitetin e mjekësisë. Një proces që duhet të niste me kohë, por që ende nuk po gjen zgjidhje nga strukturat përkatëse.
