Nga Blerina Bombaj
Dietologe
Shëndeti i trurit dhe ai i zemrës janë të ndërlidhura. Duke mbrojtur njërin, ndihmoni në mbrojtjen e tjetrit.
Shëndeti i sistemit vaskular është i rëndësishëm si për zemrën, ashtu edhe për trurin.
– MBANI NJë REGJIM USHQIMOR TË SHËNDETSHËM: zëvendësoni yndyrnat e ngopura me ato të pangopura; perfshini ne dietën tuaj fruta, fara, arrore, perime, bishtajore dhe drithera të plotë; si dhe evitoni ushqimet me përmbajtje të lartë të sheqernave të shtuar dhe drithërave të përpunuar.
– REDUKTONI SODIUMIN: reduktoni ushqimet e përpunuara dhe ato të restoranteve; si dhe zgjidhni ushqime të cilat e kanë të shkruajtur në etikete permbajtjen e ulët të sodiumit.
– ARRINI NJë PESHë Të SHËNDETSHME: mos e tejkaloni masën me racionet e ngrëna dhe merruni me aktivitet fizik.
– FLISNI ME MJEKUN: nëse është e nevojshme, flisni me mjekun; ndiqni këshillat e tij dhe merrni mjekimet e nevojshme për të mbajtur tensionin, kolesterolin dhe sheqerin në gjak në nivele normale.
– MOS E TEPRONI ME ALKOOLIN: nëse konsumoni alkool, mos konsumoni me shumë se një pije në ditë për gratë dhe dy për burrat.
– BENI NJË GJUMË TË MIRË: flini të paktën 7 orë cilësore gjumë përgjatë natës.
– MENAXHONI STRESIN DHE KËRKONI AKTIVITETE QË JUA LEHTESOJNË ATË: kërkoni mënyra për ta menaxhuar apo reduktuar stresin, si joga, meditimi, socializimi apo aktiviteti fizik.
– EVITONI DUHANPIRJEN: nëse është e nevojshme, kërkoni ndihmë për ta lënë.
