Nga Zerina Sheme
Mjeke pediatre
Mikrobi i kollës së mirë (Bordetella Pertussi) qarkullon i lirë në natyrë. E gjejmë si infeksion në forma sporadike.
- Çdo 3 vjet mund të shfaqet si endemike
- Shpesh kalon pa u diagnostikuar.
- Prek edhe të rriturit.
– I sëmuri mund ta përhapë infeksionin tek të tjerët deri në një muaj.
Mbartës i vetëm është njeriu.
shfaqet si kollë që zgjat mbi 3 javë deri në tre muaj.
➡️ Shenjat:
Kollë e thatë, me kriza të forta, mbytëse, sidomos natën, ose kur rri shtrirë. Kriza përfundon me një frymëmarrje të thellë me zhurmë; kërkon të nxjerrë pak gëlbazë, por e ka të vështirë ta shkëpusë.
Në javën e parë kolla shfaqet si një Katar i stinës.
– Në javën e dytë çfaqen akceset e kollës, të cilat mund të provokojnë pika hemoragjike në sy, në fytyrë dhe ënjtje të qepallave. Vjell pas kollës.
Është karakteristike kjo shenjë.
– Faza e tretë e rikuperimit.
– Komplikacioni më i shpeshtë është Bronkopneumonia.
Mjekimi
- Makrolidet( Eritromycina, Klaritromycina ) japin efekte të mira.
- Sirupet e kollës nuk janë efikase në këtë rast.
- Ajroset dhoma shpesh herë në ditë.
- Jastëku ngrihet më lart se zakonisht.
- Fëmija mbahet i hidratuar me dhënie të lëngjeve të frutave të freskëta, ujë.
Imuniteti në pertussis nuk transmetohet nga nëna tek fëmija. Pra, kemi patur raste të prekur nga Pertusis edhe tek fëmijët e porsalindur.
Shpesh lind nevoja të shtrohen në spital.
Pas moshës 3 vjeç mbrojtja vaksinave bie në 50%. Pra fëmijët e rritur janë të ekspozuar ndaj infeksionit.
Këshilla
Vëzhgoni me kujdes gjendjen e përgjithshme të fëmijës.
Gjendja është e mirë, jashtë krizës, dmth nuk ka vështirësi në frymëmarrje, as temperaturë të lartë. Në format e zakonshme akceset e kollës ndodhin 5-6 herë në 24 orë.
Në format e rënda këto kriza përsëriten mbi 30 herë në 24 orë. Kjo kërkon asistencë mjekësore për t’u trajtuar
Profilaksia
Vaksinimi sipas skemës së detyrueshme të sistemit shëndetsor.
