Desara Çela
Në Poliklinikat e Specialiteteve nuk respektohet distanca fizike, pacientët nuk janë korrekt me vendosjen e maskave duke e mbajtur atë poshtë mjekrës. Kjo situatë ishte përgjithësisht tek mjeku infeksionist, tek shëbimi i ekos dhe tek mjekët endokrinologë. Gazeta “Shëndet Plus” bëri një monitorim diten e sotme në poliklinikat e specialiteteve në Tiranë, për të parë organizimin e shërbimit shëndetësor gjatë periudhës së pandemisë. Gjithashtu, Gazeta Shëndeti, konstatoi se disa nga poliklinikat nuk janë të pajisura me desinfektantë për duart, por ndërkohë janë të pajisur me postera informuese. Fatkeqësisht, pacientët duket se ose nuk i lexojnë posterat ose pavarësisht se i lexojnë nuk i respektojnë.
Pritja në rradhë vazhdon edhe në kohë pandemie! Dikush ankohet pse është vetëm një mjek, dikush tjetër bërtet se po i zinin radhen ku ky i fundit kishte dy orë që priste për të marrë shërbimin që i takonte. A e mori atë shërbim ?! Po e mori! Pas një pritje dy orëshe në korridorin e poliklinikës së tejmbushur me pacientë ku distanca sociale nuk respektohej. Në vendin ku shkon për kurim duhet të qëndosh me frikën se mund të infektohesh me Covid-19.
