Blerina Bombaj, dietologe
Myku është një armik tepër i bezdisshëm i mirëqenies sonë. Ekuilibrimi i florës sonë bakteriale është një ndër masat më efikase për të përmirësuar shëndetin dhe për të luftuar mykun. Duke qenë se flora jonë bakteriale është fronti i parë i mbrojtjes ndaj gjithë mikro organizmave keqbërës si dhe 
mykut, duke e forcuar atë, kemi forcuar automatikisht imunitetin tonë.
Ja rregullat e arta për të luftuar mykun:
Hudhra: Kujdes! hudhra duhet të merret e pagatuar, të shtypet, të lihet pak ashtu dhe, nëse rezistoni, më e mira është ta bluani nëpër dhëmbë duke e mbajtur sa më shumë. Kështu pastroni edhe mishrat e dhëmbëve dhe fitoni maksimumin prej saj.
Vaj rigoni: Një pikë prej tij është antimykotik, antibakterial dhe antimikrobial i fuqishëm.
Gjalp kokosi: I shijshëm dhe i efektshëm kundër mykut dhe baktereve. I përshtatshëm për skuqje.
Probiotikë në formë kapsulash: Një mënyrë e mirë për të pasuruar florën bakteriale, e cila lufton mykun dhe kuron gjithë problemet e stomakut dhe të aparatit tretës. Zgjidhni një markë që i besoni, të orientuar në produktet natyrale të shëndetit.
