Një ngjarje e rëndë ka ndodhur pak më parë në “News 24” në emisionin “Me zemër të hapur”. Një grua që kërkonte të bijën prej disa kohësh, pasi mendonte se e kishin trafikuar, ka rënë në gjendje të fikëti kur gazetarja i lexon deklaratat shokuese të vajzës.
Lindita Lamaj për ditë të tëra ka kërkuar kthimin e së bijës, Ermirës 20-vjeçare, e cila braktisi djalin vetëm 16 muajsh dhe burrin e dhunshëm dhe iku me traget drejt Italisë. Por, ndërsa gazetarja po i tregonte bisedën që kishte bërë me vajzën e saj, Lindita nuk ka mundur të rezistojë pasi ka dëgjuar fjalët e të bijës.
Vajza i shkruante gazetares së emisionit se nëna e saj ishte e çmendur. Gjatë kohës që po lexohej biseda gruas i ra të fikët. Pas ndërprerjes së emisionit, ajo nuk u kthye më në studio.
