Fieri ka shënuar një rënie të lehtë të numrit të lindjeve për 6 mujorin e parë të vitit 2023. Mjeku obstetër gjinekolog Besnik Brahimaj thotë se ka ndikuar zgjedhja e nënave të reja që të lindin në qytete të tjera ose në privat.
15 lindje më pak se një vit më parë janë regjistruar në maternitetin e Fierit, ku në 6- mujorin e parë të këtij viti kanë ardhur në jetë 464 foshnja. Për mjekun gjinekolog Besnik Brahimaj faktori kryesor që kanë ndikuar në rënien e lindjeve është zgjedhja e nënave për të lindur në Tiranë ose në Spitale Private.
‘Ka një numër të vogël rënie me 15 lindje për këtë vit, nuk mendoj se është rënie drastike në total. Mendoj që numri i lindjeve në total në këto dy-tre vitet e fundit ka qenë përgjithësisht në rënie, por ndryshon rënia e vogël që duket në Fier, sepse këtu një pjesë e grave lindin dhe në spitale private në Tiranë. Plus çiftet e reja tani janë të rezervuar të bëjnë një fëmijë jo më shumë , por them se ikja e të rinjve jashtë nuk ka të bëj shumë me mungesën e lindjeve, por ka të bëjë më shumë me ikjen në Tiranë për të lindur.’- tha mjeku Besnik Brahimaj.
Brahimaj i cili i bën apel shtetit për rikonstruksionin e maternitetit.
“Unë mendoje se nëse në qytetin e Fierit materniteti duhet të rikionstruksiohet pasi duhen plotësuar kushtet. Sot për sot kushtet nuk janë të përshtatshme për gratë që të lindin në këtë institucion sepse mungojnë pajisjet dhe infrastruktua është e dëmtuar pasi ka që në vitin 1997 është rikonstruktuar dhe nuk është vënë më dorë dhe kjo sigurisht ndikon në dhënien e shërbimit cilësor. Duhet ndërhyrje e shtetit për pajisjet por edhe do t’i bëja thirrje shtetit që ai institucion duhet rikonstruktuar nga e para në mënyrë që gratë të mos përballen me këto probleme dhe të ikin të lindin në Tiranë për shkak të mungesës së kushteve”- tha Brahimaj.
Edhe pse numri i lindjeve për vitin 2023 ka qenë relativisht i ulët, referuar statistikave në tre vitet e fundit çdo vit ka patur një ulje të numrit të bebeve që vijnë në jetë në Materniteti e Spitalit të Fierit.
Burimi: shqiptarja.com
