Përshtati në shqip: Kesilda Gjoka
Një vajzë nga Hull-i i Anglisë ka shpërndarë dy foto të ndryshme të saj kur mendon për vetëvrasjen, për të treguar që shëndeti mendor nuk ka një “fytyrë”.
24-vjeçarja Amelia Smith tregon se njerëzit, përfshirë dhe mjekët, shpeshherë nuk e kuptonin që vuante nga depresioni për shkak të mënyrës si dukej apo sillej.
Profili i hapur prej saj para 10 muajve, “klubi të dashurosh vetveten” ka për qëllim ndërgjegjësimin e këtij fenomeni tek të rinjtë, duke përdorur eksperiencën e saj.
“Ti nuk ke mendime vetëvrasëse”
Në një postim të bërë në Instagram, Amelia shpjegon kur ajo ishte 14 vjeç pati kurajon të kërkonte ndihmën e mjekut për depresionin, por përgjigja nuk ishte ajo që priste.
“Ti nuk ke mendime vetëvrasëse”. Mbaj mend që këto fjalë dolën nga goja e mjekut pikërisht pasi i tregova që kam menduar të vras veten”, shkruan ajo.
Amelia shprehet se ishte ndjerë konfuze, e turpëruar dhe e pavlerë.
“Ato fjalë sa nuk më morën jetën, ai paragjykim, ato fjalë shumë budallaqe” .
“Ky është rreziku i të menduarit se problemet me shëndetin mendor kanë një fytyrë, një shprehi. Kjo është se si stigma, injoranca dhe gjykimi ndaj shëndetit mendor / vetëvrasjes prek ata që janë të dobët.
“Në të dyja foto kam mendime për vetëvrasjen, mbase jo në të njëjtën mënyrë, por në të dyja ditët kam menduar të vras veten”.
“Kohë të vështira”
Fotot kanë më shumë se 20,000 pëlqime por nuk janë të parat që ka shpërndarë në median sociale.
Shumë nga ndjekësit e saj kanë ndarë eksperiencat e tyre në përpjekje për të kërkuar ndihmë.
Një ndjekës postoi si përgjigje të postimit të saj me 4 shtator: “Shefi im më tha që nuk dukem në depresion. Nuk jam ndjerë ndonjëherë kaq budalla në jetën time. Faleminderit për postimet e tua, po qaj teksa i lexoj”.
Një tjetër ndjekës shprehet: “Të kuptoj dhe bashkohem me ty. Mjekët më thanë se po kaloj thjesht një fazë”.
Burimi: BBC / Shendeti.com.al
