Tre mjekë të Spitalit Pediatrik të Elbasanit janë pezulluar nga detyra, pasi akuzohen për veprën penale “mjekim i pakujdesshëm”, me pasojë vdekjen e fëmijës 1 vjeç A.T., ngjarje e ndodhur në 21 mars 2016.
Mjekët e pezulluar janë Dorieda Shuku, Edmont Lahu dhe Fadil Brazhda. Ky vendim është marrë nga gjykata, me kërkesë të prokurorisë së Elbasanit.
1-vjeçarja me iniciale A.T ndërroi jetë më 21 mars të këtij viti pasi kishte gëlltitur një copë arre dhe mjekët nuk kishin arritur të identifikonin trupin e huaj që kishte bllokuar rrugët e frymëmarrjes të foshnjës (lexo këtu).
Nga ekspertiza mjeko-ligjore, ka rezultuar se e mitura ka humbur jetën nga neglizhenca e mjekëve, pasi këta të fundit nuk kanë kryer procedurat standarde të kontrollit të fëmijës. Nëse diçka e tillë do të ishte bërë nga mjekët, do të kishte shumë shanse që vogëlushja të kishte shpëtuar./ https://shendeti.com.al/
