Denisa Canameti / Shëndet+
QSUT-ja ka reaguar pas denoncimeve të gazetës “Shëndet+” për mungesën e medikamenteve në shërbimin e onkologjisë.
“Shërbimi është furnizuar me Doxorubicinë, që prej një jave, në mënyrë të rregullt”, shprehen burimet zyrtare pranë administratës së QSUT-së për gazetën.
Doxorubicina, është kimiopreparati që u denoncua si mungesë nga pacientët e shërbimit të onkologjisë, në redaksinë e Shëndet +. Pretendimet e pacientëve ishin se ata janë detyruar ta blejnë këtë medikament jashtë spitalit dhe me një kosto të papërballueshme.
Ekipi i kësaj gazete pas një investigimi disa javor denoncoi hapur, me fakte, mungesën e këtij medikamenti si dhe shumë medikamenteve të tjera pranë këtij shërbimi, duke ngritur alarmin për krizën në të cilën është zhytur ky shërbim. Duket se denoncimet e herëpashershme, duke patur në fokus, veçanërisht të sëmurët me sëmundje të rënda kanë bërë që instancat të reagojnë./ https://shendeti.com.al/
