Denisa Canameti
Ajo çfarë ishte paralajmëriar nga përfaqësi serioze farmaceutike fatkeqësisht tashmë po ndodh. Përfaqësuesi i firmës farmaceutike angleze GlaxoSmithKline , Roland Xhafaj pohon për gazetën Shëndet Plus tërheqjen e firmës nga tregu ynë. “Më vjen keq por kjo është e vërtetë. Firma në Angli na kërkoi të tërhiqemi dhe për fat të keq tashmë do kemi një prezencë fare minimale në Shqipëri. Duke ditur seriozitetin e kësaj firme dhe cilësinë e produkteve kjo është një fatkeqësi për vendin tonë”,- thekoi Xhafaj. Pyetjes se cilat janë arsyet e këtij vendimi Roland Xhafaj theksoi se kjo lidhet me situatën ekonomike të vendit tonë si edhe vendimet që janë marrë nga dikasteri i Shëndetësisë vitet e fundit. “Më vjen keq por firma GlaxoSmithKline në Angli vendosi të mos jemi më në Shqipëri”, përfundoi Roland Xhafaj.
