Përshtati në shqip për “Shendeti.com.al”: Marsela Aliaj
Për 4 deri në 6 persona
Përbërësit:
- 4 rrepa të mëdha
- 2 mollë të mëdha jeshile
- 1 mollë e kuqe
- ¼ filxhan me vaj ulliri
- 2 lugë uthull
- 1 lugë me lëkurë limoni
- lëng limoni nga 1 kokërr
- pak kripë deti
- piper i zi
- mente e freskët e prerë hollë
Përgatitja:
1. Me thikë prisni hollë të gjitha rrepat dhe mollët me trashësi gjysmë centimetri. Vendosini pjesët e prera në një tas sallate të madhe, sipas dëshirës mund t’i alternoni shtresat për një prezantim sa më të këndshëm. Nuk duhet harruar se paraqitja e bukur i shton shijen çdo lloj gatimi. Përziejini me vaj, uthull, lëkurën dhe lëngun e limonit, kripë dhe piper sipas shijes.
2. Mund ta zbukuroni pjatën me mente dhe vaj ulliri. Është gatim që shërbehet direkt. Pjesën e mbetur mund ta ruani në frigorifer në një enë prej xhami deri në 2 ditë.
Këshillë: Rrepat përmbajnë një sasi të madhe të vitaminës C dhe ndihmojnë aparatin tretës për shkak të përmbajtjes së lartë të fibrave.
Burimi: Health / https://shendeti.com.al/
