Blerta Gjoni, dermatologe
Për sa kohë duhet të përdorim të njëjtin produkt kozmetik? Të gjitha femrat janë të apasionuara pas produkteve kozmetike dhe preferojnë të koleksionojnë sa më shumë të munden. Dhe madje produkte të veçanta, si p.sh.: buzëkuqi në një ngjyrë ekstravagante, ruzhi apo parfumi në një esencë më të rëndë përdoren vetëm në raste të veçanta dhe pjesën tjetër të kohës mbahen në sirtarin e komedinës.
Por kujdes, edhe pse disa femrave u pëlqen koleksionimi i tyre, të gjitha produktet kozmetike kanë një afat kohor të caktuar përdorimi, krahas datës së skadencës që duhet të shikohet me kujdes që në momentin që ai blihet. Krahas humbjes së efikasitet të tij si rezultat i konservimit të gjatë, asnjë produkt nuk duhet të ruhet për vite me radhë, pasi do t’ju shkaktonte probleme shëndetësore në lëkurë, dhe jo vetëm.
Për të gjitha femrat e apasionuara pas kozmetikës, më poshtë do të gjeni rekoma,dimet e estetistëve për çdo produkt bukurie:
Tre muaj përdorim:
- Maskara
- Peneli
Gjashtë muaj përdorim:
- Fondatina
- Larësit e fytyrës
- Kremrat hidratues apo trajtues
Dymbëdhjetë muaj përdorim:
- Pudra e presuar
- Kremi mbrojtës i diellit
- Lapsat e buzëve apo syve
- Buzëkuqi apo shkëlqyesit (gjithashtu nuk duhet të përdoren më pas nëse evidentoni një puçër në buzë)
Dy vjet përdorim:
- Manikyri
- Nxirësi artificial
- Parfumi
