Kryefaqja Box 6 Pse duhet të konsumojmë çokollatë të zezë

Pse duhet të konsumojmë çokollatë të zezë

0
Shpërndaje

Përgatiti: Elena Beta

Çokollata e zezë është një nga pijet më të preferuara të stinës të dimrit, nga e cila mund të keni përfitime të shumta shëndetësore. E pasur me antioksidantë të fuqishëm, ndihmon në parandalimin e sëmundjeve të zemrës, plakjen e parakohshme, si dhe mund të zvogëlojë rrezikun e kancerit.

cokollateAjo është përdorur për kurimin e sëmundjeve të ndryshme në shekujt XVI -XIX, madje është marë si ilaç. Në ditët e sotme njerëzit nuk e kërkojnë më si ilaç, por e pinë si një produkt të shijshëm ndërkohë që përfitojnë dhe të mirat shëndetësore nga konsumimi i saj. Ja cilat janë disa prej tyre:

Nxit fuqinë e trurit

Pirja e çokollatës të zezë përmirëson shëndetin e trurit. Flovanoidet e ndodhura në çokollatë rrisin qarkullimin e gjakut dhe oksigjenit në tru duke ju ndihmuar të jeni më të qartë në mendime. Nëse doni të përmirësoni kujtesën tuaj, pini dy gota me çokollatë të nxehtë në ditë. Por sigurohuni që të mos përdorni shumë sheqer.

Përmban antioksidantë

Sipas një hulumtimi të kryer nga “Cornell University” çokollata e zezë përmban më shumë antioksidantë se çaji jeshil apo vera.

Nxit humorin

Ndihmon në luftimin e stresit, ankthit, depresionit. Çokollata e zezë stimulon lirimin e endorfinës dhe ju bën të ndiheni të lumtur. Por problemi është se ajo mund të përmbajë sasi të mëdha sheqeri, gjë që nuk është e mirë për shëndetin. Këshillohet të konsumohet pa sheqer.

Përmirëson shëndetin arterial

Flovanoidet ulin presionin e gjakut duke zvogëluar rrezikun e sëmundjeve të zemrës. Duke qenë se çokollata e zezë përmban yndyrna të këqija, nuk duhet të pini më shumë se dy gota në ditë.

Ju ndihmon të humbni peshë

Nëse po përpiqeni të bini në peshë, filloni të pini çokollatë të zezë (pa sheqer) dhe mund t’ia arrini qëllimit. Një filxhan çokollatë e zezë është më e ulët në kalori krahasuar me pastat apo ëmbëlsirat e tjera.

LËR NJË MESAZH

Please enter your comment!
Please enter your name here