Kryefaqja Aktualitet Punonjës të infektuar me COVID-19/ Gjoba dhe pezullim aktiviteti për kompanitë Call...

Punonjës të infektuar me COVID-19/ Gjoba dhe pezullim aktiviteti për kompanitë Call Center

0
Shpërndaje

*Foto Ilustruese

Një kompani Call Center në Tiranë është kthyer në vatrën kryesore të infeksionit me Covid-19 në kryeqytet. 15 punonjës të saj kanë rezultuar pozitivë me Covid-19. Epidemiologët në terren bëjnë me dije se punonjësit kanë rezultuar të infektuar nga dy raste të mëparshme pozitive, kontakte të personave të tjerë. Dyshohet se numri i të infektuarve mund të jetë më i madh, jo vetëm për shkak se në Call Center ka një numër të lartë të punësuarish, por edhe për faktin se shumë prej tyre i kanë zyrat në pallate të banuar nga familjarët.

Me anë të një njoftimi për shtyp, Inspektorati Shtetëror Shëndetësor bën me dije se nga data 12 mars 2020 deri me datë 26 maj 2020 janë inspektuar dhe monitoruar 555 subjekte call-center për zbatimin e Protokollit të Kuq dhe plotësimin e masave për ruajtjen e shëndetit të punonjësve nga përhapja e COVID-19, dhe janë vendosur 3 masa administrative në subjekte call centers:
• 2 masa administrative, gjobë për mos zbatim të masave mbrojtëse nga ana e punonjësve në Durrës dhe në Elbasan.
• 1 masë administrative, Vendim për Pezullim Aktiviteti pas njoftimit nga struktura vendore e shëndetit publik për disa raste Covid-19 pozitiv, Tiranë.

ISHSH ka kryer inspektime në këto subjekte duke kontrolluar respektimin e masave të mbrojtjes, doreza, maska dhe dezinfektantë, respektimin e distancimit social mes punonjësve, praninë e personit përgjegjës për shëndetin në punë, matjen e temperaturës dhe dokumentimin e saj, afishimin e deklaratave, posterave dhe protokolleve të publikuar në e-albania, pastrimi, dezifektimin dhe ventilimin e ambienteve të punës.

LËR NJË MESAZH

Please enter your comment!
Please enter your name here