Qendra e re e Konsultave pas përurimit… Situata në kaos!!!

konsulte (2)

Denisa Canameti, gazeta “Shëndet+”

Nuk mjaftonin as katër policë për të kontrolluar sot kaosin e krijuar në Qendrën e re të Konsultave. Ky projekt, ndër më të kushtueshmit, u mendua se do të shmangte radhët e gjata dhe do t’u krijonte mundësinë pacientëve për një shërbim dinjitoz. Gazeta “Shëndet+” ishte sot në QSUT për të parë mbarëvajtjen e kësaj Qendre, por panorama që ofrohej aty nuk kishte lidhje me dinjitetin (shiko fotot).

Pacientët krejtësisht të paorientuar janë përballur për orë të tëra me policët dhe infermierët për shkak të mungesës së rregullit.

“Nuk ka një numër. Nuk ka një stol. E gjitha kjo për të marrë një datë, jo për të bërë konsultën”, shprehen pacientët.

Burime brenda QSUT- së thonë se jo vetëm për pacientët por edhe për mjekët ka pasur surpriza. Kështu, sipas rregullave të diktuara nga drejtoria “Mjekët që kanë më pak se 10 vite punë dhe nuk janë Doktorë Shkencash nuk kanë të drejtë të bëjnë konsulta”.

Ministria e Shëndetësisë (si investitor i këtij projekti), edhe pse ka shpenzuar miliona para për këtë qendër, siç duket, për fatin e keq, nuk e ka menduar ende sesi do të funksionojë për të arritur qëllimin e synuar, përkundrazi ka krijuar një panoramë të shëmtuar  dhe të papranueshme.

Postime të ngjashme

Malaria në Shqipëri, ISHP konfirmon: Raste sporadike të importuara dhe pa evidencë të transmetimit në vend
Konfirmohet rasti i parë me malarie në Shqipëri
Trafik droge dhe nën hetim për kontrabandë ilaçesh, Prokuroria sekuestron pasuritë e Ilir Shehut, mes tyre edhe 4 kompani farmaceutike
Shqipëria në planin e OBSH-së për shkëmbimin e të dhënave shëndetësore me vendet e rajonit
Prezantohet Drejtori i Përgjithshëm i Operatorit të Shërbimeve të Kujdesit Shëndetësor
EMRI/ Ndalohet drejtori i Spitalit të Fierit, zbardhen detajet e para
Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Shtatë fëmijë të Kopshtit nr. 10 në Vlorë përfundojnë në spital, dyshohet për helmim nga ushqimi