Kryefaqja Aktualitet Qytetarë të shtrirë nën hijen e pemëve; batanije shtruar në lulishten e...

Qytetarë të shtrirë nën hijen e pemëve; batanije shtruar në lulishten e spitalit/ Ja situata jashtë Infektivit

0
Shpërndaje

Gazetare: Klevisa GJIKA

Pritjet e gjata për një lajm të mirë jashtë Infektivit i kanë lodhur qytetarët. Në një monitorim të bërë nga gazeta “Shëndeti Plus”, qytetarët janë të sfilitur dhe imazhet e siguruara flasin vetë.

Të shtrirë mbi bar, nën hijen e pemëve është njëra pamje sapo kthen kokën në një qoshe.

Pak më tutje, në lulishten e spitalit shikon batanije të hapura në tokë, në të cilat qytetarët rrinë në mungesë të një vendi për të qëndruar. Në vëzhgimet e bëra, të afërmit e të infektuarve janë të shumtë në numër. Edhe pse nuk kanë se çfarë të bëjnë, ata qëndrojnë pranë njëri-tjetrit pavarësisht faktit se virusi keqbërës SARS COV-2 është akoma në qarkullim.

Fotoja më lart demonstron qartë se si grumbuj njerëzish qëndrojnë të mbledhur nën një pemë me shpresën se mos një lajm i mirë i vjen për familjarin e tyre. Në komunikimet që patëm me to, vihet re se ato vijnë nga rrethet dhe në pamundësi për të shkuar çdo natë në shtëpi, u mbetet të kalojnë natën në lulishten e spitalit.

Komunikimet me rojen te hyrja e spitalit COVID-1 janë të shumta. Shumë kërkojnë me insistim të hynë dhe të shohin të afërmin e tyre, mirëpo kjo mbetet vetëm një dëshirë, nisur nga rrethanat aktuale penguese.

Ecejaket nëpër ambientet e jashtme të spitalit nuk mungojnë. Qytetarë të shqetësuar, me ndjenja frike, por edhe optimizmi enden pa mundur të mos bëjnë dot gjë.

LËR NJË MESAZH

Please enter your comment!
Please enter your name here