Përgatitën raportin:
- Arlinda Shehu Gjypi
- Blertina Koka
- Denisa Canameti
Shoqata “Together for Life” ka zbatuar projektin “Forcimi i demokracisë në sistemin shëndetësor duke respektuar të drejtat e njeriut”, i cili mbështetet financiarisht nga Ambasada e Mbretërisë së Vendeve të Ulëta. Projekti filloi në muajin gusht 2017 dhe u mbyll në muajin korrik 2018.
Gjatë kësaj periudhe, shoqata “Together for Life”, përmes aktiviteteve të kryera prej saj në terren dhe në bashkëpunim me shoqatat e pacientëve, ka synuar të rrisë informimin e pacientëve për çështjet e të drejtave në sistemin shëndetësor. Gjithashtu është synuar përmes shkrimeve, si rritja e njohurive të pacientëve për sistemin shëndetësor, por gjithashtu është synuar që të rritet transparenca nga ana e institucioneve të këtij sistemi.
Përgjatë periudhës gusht 2017 – korrik 2018, gazeta “Shëndet+” ka mbledhur denoncimet e ardhura nga pacientët në të gjithë Shqipërinë dhe ka realizuar një raport për të bërë të ditur se cili është perceptimi i shqiptarëve për sistemin e shëndetësisë, por edhe për të treguar përballjen me këtë sistem.
Siç do të shihet edhe më poshtë, ankesat kryesore të shtetasve shqiptare ndahen në 10 kategori dhe përkatësisht:
- Mungesa e ilaçeve, medikamenteve
- Mungesa e infrastrukturës
- Mungesë e pajisjeve
- Keqmenaxhim të institucioneve shëndetësore
- Mungesë e burimeve njerëzore
- Mungesë politikash shëndetësore parandalues.
- Mosfunksionim të politikave shëndetësore
- Shkelje e të drejtave të pacientëve (njeriut)
- Mohim të së drejtës së fjalës
- Mungesë informacioni
Nga ana e shoqatës “Together for Life”, pas marrjes së denoncimeve të pacientëve, është realizuar edhe verifikimi në terren i këtyre denoncimeve. Më pas, të gjitha denoncimet e provuara janë publikuar në faqen online të gazetës “Shëndet+” si dhe në portalin propacientit.com.
Një gjë e tillë ka sjellë në vijimësi edhe rritjen e numrit të denoncimeve, siç do të shihet edhe më pas.
Në linkun bashkëngjitur gjeni raportin e plotë të denoncimeve të ardhura në portalet shëndetësore shendeti.com.al dhe propacientit.com.
