Kryefaqja Aktualitet Reagon Urdhri i Mjekut: Të respektohen kufijtë e kompetencës profesionale gjatë dhënies...

Reagon Urdhri i Mjekut: Të respektohen kufijtë e kompetencës profesionale gjatë dhënies së opinioneve dhe sugjerimeve

0
Shpërndaje

Deklaratë e Urdhrit të Mjekut të Shqipërisë

Përkeqësimi i situatës së në vend si pasojë e pandemisë, me rastet e reja dhe humbjet e përditshme të jetës, ka shqetësuar popullatën dhe mbingarkuar kujdesin shëndetësor në vend. Vërehet qartë se nuk kursehet as moshë, e as profesionitët e kujdesit shëndetësor.

Urdhri i Mjekut të Shqipërisë i bashkohet shqetësimit të shprehur në të gjitha nivelet e shoqërisë. Si organizatë profesionale ai sheh si domosdoshmëri që situata të analizohet më mirë në çdo aspekt e këndvështrim nga çdo institucion qendror e lokal, publik e privat; ku stafet drejtuese në bashkëpunim me ekspertët e fushës duhet të vlerësojnë realisht gjendjen dhe të marrin masat e duhura për përmirësimin e saj për sigurimin e shëndetit si të personelit shëndetësor dhe të popullatës.

Ritheksojmë edhe njëherë se është e domosdoshme NGA GJITHËSECILI TË NJIHEN DHE TË RESPEKTOHEN KUFIJTË E KOMPETENCËS PROFESIONALE GJATË DHËNIES SË OPINIONEVE DHE SUGJERIMEVE. Në qendër të vëmendjes mbeten sugjerimet e ekspertëve ndërkombëtarë dhe vendas të fushës, si dhe përvoja jonë e fituar nga epidemitë e kaluara.

Politizimet e problemit janë pa dobi dhe nuk i vlejnë askujt, ato përkundrazi çorodisin publikun dhe ulin efikasitetin e bashkëpunimit dhe kontributin e tij si element bazë për fitimin e kësaj beteje.

UMSH thekson fortë se SUKSESI ARRIHET NËPËRMJET KONTRIBUTIT TË VËRTETË DHE PËRGJEGJSHMËRISË TË GJITHËSECILIT.

LËR NJË MESAZH

Please enter your comment!
Please enter your name here