Proteinat mund t’i gjeni në disa lloje ushqimesh, si: gjeli i detit, peshku, djathi, mishi i lopës, batha (fasulet e kuqe), veza etj.
Por ajo çfarë duhet të dimë, është se sa proteina na duhen që të përmbushim nevojat tona në një dietë të shëndetshme. Njerëzit kanë nevoja të ndryshme për proteina, kjo në bazë të moshës, peshës, mënyrës së jetesës, gjendjes shëndetësore etj. Nevoja e 
proteinave ditore për një person mund të llogaritet sipas formulës së mëposhtme:
- Pesha e trupit në kilogram shumëzuar me 0.8 → ( e cila eshtë shuma minimale e proteinave në gram të nevojshme nga organet.
- Pesha e trupit në kilogram shumëzuar për 1.8 → jep maksimumin e proteinave që duhet të konsumoni çdo ditë.
Ajo çfarë duhet të dimë, është se ka një kategori njerëzish të veçantë të cilët kanë nevojë për më shumë proteina se njerëzit e tjerë.
Atletët, përfshirë këtu dhe njerëzit e tjerë që janë shumë aktivw, duhet të marrin më shumë proteina se njerëzit e zakonshëm. Kjo për shkak se proteinat luajnë një rol thelbësor në formimin e muskujve dhe në dhënien e energjive.
Formula sesa proteina duhet të marrin kjo kategori njerëzish që e kanë jetën më aktive është:
- Pesha e trupit në kilogram shumëzuar më 1.2 ( të cilat janë gramët e proteinave të nevojshme)
Ndërtuesit e trupit (p.sh.: ata që duan të ndërtojnë shumë muskuj si bodybuilding)
- Pesha e trupit në kilogram shumëzuar me 1.5 (gramët e proteinave të nevojshme).
Gratë shtatzëna janë një tjetër kategori njerëzish të veçantë, të cilët duhet të përmbushin kërkesat e përditshme të trupit për proteina. Gjatë shtatzënisë gratë janë në gjendje të sekretojnë proteinat nga trupi me urinën dhe kjo gjë mund të shkaktojë mungesë proteinash, që është e dëmshme edhe për fetusin.
Përgatiti për “Shëndet+”: Daniela Bardhi
