Në Shtetet e Bashkuara janë rritur me 25% kërkesat për kirurgji plastike, në kërkim të një “selfie” 
perfekte dhe të një imazhi më të mirë. Këto janë përfundimet e një sondazhi të kryer nga Akademia Amerikane e Kirurgjisë Plastike. Në të u përfshinë 2700 profesionistë të fushës dhe rezultoi se një në tre kirurg plastik të fytyrës ka pasur rritje të kërkesave për të ndërhyrë për të përmirësuar imazhin e vet në rrjetet sociale.
Mes ndërhyrjeve më të kërkuara janë ndërhyrjet në hundë (rinoplastika), mbjellja e flokëve dhe ngritja e zonës së vetullës.
“Një rritje e kërkesës me 25% në një vit e gjysmë është një tregues shumë domethënës”, shpjegon doktori Sam Rizk, kirurg plastik në Manhaton, i cili thotë se gjithsesi duhet pasur shumë kujdes, pasi “selfie”-t japin një imazh të gabuar të secilit prej nesh.
