Mungesa e specialistëve në rrethe, por edhe kostoja e shtrenjtë e shërbimit në privat ka bërë që një numër i madh njerëzish të dynden për të kryer ndërhyrje kirurgjikale në QSUT. Numri i pacientëve të operuar është shumë i lartë, sa kalon edhe kapacitetin e Qendrës Spitalore Universitare “Nënë Tereza”.
Këto ditë në të tria klinikat e kirurgjisë raportohet një gjendje e tejmbushur me pacientë. Fluksi është kaq i lartë sa pacientët kanë mbetur nëpër barela.
Sipas burimeve jo zyrtare për “Pro Pacientin”, mësohet se në mbledhje kirurgëve u është kërkuar që të mos bëjnë më aq shumë operacione. Edhe pse nuk dihet se cila është zgjidhja e dhënë për këtë situatë.
Në një vëzhgim nëpër pavionet e QSUT-së dhomat duken të mbingarkuara, me nga tre krevatë, në 4 ose 5.
Në një nga dhomat e kirurgjisë tre (shiko foton) duket një pacient i cili po merr shërbim në barrelë, pasi nuk ka krevat të lirë./ Shendeti.com.al
