Nga Anisa Daci
Thënia e vjetër, “Shëndeti është pasuri”, nuk mund të ishte më e saktë. Ndërsa pasuria shpesh ngjall imazhe të gjërave materiale dhe suksesit financiar, forma më e vërtetë e pasurisë është shëndeti ynë.
Imagjinoni të keni të gjitha paratë në botë, por nuk mund të shëroheni? A do të kishte vërtet rëndësi pasuria?
Për 1001 arsye nisur nga kultura vetjake si dhe sistemi shëndetësor, shqiptarët nuk kanë pasur një qasje rutinë ndaj kujdesit shëndetësor. Megjithatë, fatmirësisht vitet e fundit diçka po ndryshon, sidomos pas krizës së fundit shëndetësore globale si pandemia COVID-19. Kjo ngjarje çoi në një rritje të ndërgjegjësimit për rëndësinë e masave parandaluese si larja e duarve, distancimi social dhe vaksinimi.
Në përgjithësi, njerëzit po bëhen më të kujdesshëm në lidhje me shëndetin e tyre pasi bëhen më të vetëdijshëm për ndikimin që zgjedhjet e tyre të jetesës mund të kenë në shëndetin e tyre, ndërkohë që dhe aksesi në informacionin shëndetësor dhe masat parandaluese po përmirësohen…
Në një minisondazh online në rrjetet sociale në Instagram dhe Facebook të gazetës Shëndeti parashtruam një pyetje 24 orëshe “ A është shëndeti prioriteti juaj”?
- 89% (273 persona) janë përgjgjur PO
- 7% (20 persona) janë përgjigjur JO
- 5% (14 persona) janë përgjigjur “Kam tjetër fokus”
Ndërsa në rrjetin social Facebook:
- 83% u përgjigjën PO
- 17% u përgjigjën JO
Ndërsa pyetjes “A jeni korrekt me vizitat te doktori?”, në Instagram:
- 29% thanë PO
- 28% u përgjigjen JO
- 20% thanë Neglizhoj
dhe
- 23% u përgjigjen se paraqiten te doktori vetëm Urgjencë.
Ndërsa në Facebook me po të njëjtën pyetje:
- 42% u përgjigjën PO
- 7% u përgjigjën JO
Në skemën e madhe të jetës, shëndeti është thesari i fundit, duke tejkaluar të gjitha format e pasurisë materiale. Ju jep lirinë për të jetuar plotësisht, për të ndjekur ëndrrat tuaja dhe për të shijuar çdo moment. Ndërsa suksesi financiar është i admirueshëm, ai kurrë nuk duhet të jetë në dëm të shëndetit tuaj.
Mos harroni, shëndeti është pasuri, dhe masa e vërtetë e një jete të begatë qëndron në mirëqenien e trupit, mendjes dhe emocioneve tuaja. Pra, investoni në shëndetin tuaj, ruajeni atë dhe konsiderojeni veten njeriun më të pasur në botë, sepse zotëroni thesarin e vërtetë të jetës.
