Në një kontekst global, kur ndodhin kriza humanitare është e nevojshme që në kohën e duhur të vijë mbështetja dhe ndihma e parë psikologjike. Por ngjarjet e krizës nuk kufizohen vetëm në ngjarjet që japin mediat. Në shumë vende dhe çdo ditë, njerëzit përjetojnë kriza personale, nga ato më të lehta si humbja e të dashurit apo një situatë stresuese në punë, deri tek ato më të rënda si përjetimi i sëmundjeve të rënda fizike.
E gjithë shoqëria duhet të jetë e vetëdijshme lidhur me nevojën e sigurimit të mbështetjes së duhur, kur njerëzit përjetojnë stresin për shkak të ngjarjeve traumatike.
Psikiatri Gentjan Asllanaj zbuloi se në Shqipëri shëndeti mendor është në krizë duke treguar se kur duhet të drejtohemi te mjeku pas shqetësimeve të para.
Koha normale që njeriu mund të ketë shqetësime të shëndetit mendor është një muaj. Pas kësaj kohe duhet të fillojmë të shqetësohemi. Kjo varet edhe nga situata apo patologjitë e ndryshme. Ka momente që njeriu kalon një traum dhe muaj parë është i ngarkuar, dhe në këtë rast mund të kemi një zgjatje në kohë të shqetësimeve. Por në çdo rast nëse një simptomë shkon më shumë se tre muaj duhet të shqetësohemi dhe të ndiqemi me një specialist.
Burimi: balkanweb.com
