Depresioni klinik mund të shkaktojë trishtim dhe humbje të interesit në aktivitetet e ndryshme. Por depresioni ndonjëherë mund të përjetohet në mënyra të ndryshme në njerëz të ndryshëm.
“Ndërsa simptomat e diagnostikimit të depresionit janë të njëjta, shpesh mund të ndryshojnë tek meshkujt dhe femrat”, thotë Ian Kok, profesor i psikiatrisë në Universitetin e Kalifornisë, Los Anxhelos.
Këtu janë disa shenja që paralajmërojnë depresionin tek meshkujt:
Lodhje: njerëzit të cilët janë në depresion, nënshtrohen drejt një sërë ndryshimesh fizike dhe emocionale. Ata mund të përjetojnë lodhje ose ngadalësim në lëvizjet fizike, të folurin dhe proceset e mendimit.
Sipas Xhosh Klapov, psikolog klinik në Universitetin Alabama në Birmingam, meshkujt kanë më shumë gjasa sesa gratë të raportojnë lodhje dhe simptoma të tjera të depresionit.
Çrregullime me gjumin: problemet e tilla, si: pagjumësia, zgjimi shumë herët në mëngjes apo gjumi i gjatë janë simptoma të zakonshme depresioni.
Disa njerëz flenë 12 orë në ditë dhe ende ndihen të lodhur. Problemet e gjumit janë nga simptomat kryesore të depresionit.
Dhimbje stomaku ose dhimbje shpine: problemet shëndetësore të tilla, si: kapsllëk, diarre, dhimbje koke janë të zakonshme tek njerëzit që vuajnë nga depresioni. Por njerëzit shpesh nuk e kuptojnë se dhimbja kronike dhe çrregullime të tretjes shkojnë dorë për dore me depresionin.
Nervozizëm: njerëzit që janë në depresion, shpesh tregojnë shenja të nervozizmit, thotë dr. Ian Kok. Përveç kësaj, mendimet negative janë tregues i zakonshëm i depresionit./Përgatiti për “Shëndet+”: Elena Beta
