Përgatiti për “www.shendeti.com.al“: Elena Beta
Konsumimi i disa dardhave në ditë mund t’ju ndihmojë në rënien në peshë, tregojnë studimet e fundit në Brazil.
Studimi ishte fokusuar tek gratë mbipeshë dhe ka nxjerrë përfundimin se ato që kishin ngrënë më shumë dardha, kishin rënie të konsiderueshme në peshë. Autoret thonë se ky frut është mjaft i pasur me fibra, prandaj është tepër i shëndetshëm, gjithashtu të krijon edhe ndjesinë e ngopjes.
Dardha përmban edhe pektine, që zvogëlon nivelin e sheqerit në gjak, duke ndikuar në zvogëlimin e oreksit.
Dardhat përmbajnë minerale, si kaliumi, kalciumi, mangani, fosfor, hekur, vetëm 4-5 % sheqer, vitaminat C, B1, B2, B6, karotine, acide organike e shumë përbërës të tjerë të shëndetshëm.
Përveç se ndihmon në rënien në peshë,dardha ka efekt qetësues, pastron zorrët dhe ofron energji. Megjithatë konsumoni vetëm dardha të pjekura mirë, pasi ato të papjekurat qëndrojnë më gjatë në lukth dhe e mundojnë atë.
Burimi: healthyfood / shëndeti.com.al
