Megjithëse temperaturat i afrohen 40 gradëve, tregëtarët nuk ofrojnë ushqime të sigurta për konsumatorët. Në tregun e ish-uzinës Dinamo, vezët dhe produktet e bulmetit ekspozohen në diell jashtë çdo standardi higjieno-sanitar.
Ndonëse tregetarët janë të pajisur me frigorifer ajo që të bie në sy është një sasi e madhe qumështi dhe kosi që rri e ekspozuar jashtë duke vënë kështu në rrezik jetën e konsumatorëve.
Sikur të mos mjaftonte kjo problematika thellohet kur produktet e mishit reklamohen me kuti kartoni në qiell të hapur dhe tregëtarët ndihen të pashqetësuar për këtë fakt.
Sipas Specialistes në shërbimin e mbrojtjes së konsumatorit gjatë 6 mujorit të parë janë paraqitur 836 ankesa nga qytetarë të ndryshëm, ndërsa gjendja në tregje paraqitet alarmante pasi rreth 80% e mishit i cili qarkullon në treg është i pakontrolluar.
Apeli shkon për inspektorët e AKU-së dhe ato veterinerë për të forcuar kontrollet në treg.
Situatë problematike paraqitet edhe në mini tregjet e kryeqytetit ku shishet e qumështit dhe enët me bulmet vendosen në çdo cep të mundshëm duke i ofruar konsumatorëve prodhim të ashtuquajtur bio. Ndonëse Mininistria e Bujqësisë ka si objektiv garantimi në shkallën më të lartë te shëndetit të qytetarëve shqiptar dhe perfeksionimin e sistemit të mbikëqyrjes dhe garantimit të sigurisë ushqimore,nga vezhgimi i bërë në tregjet e kryeqytetit ky objektiv duket se ka mbetur ende në letër.
