“Sindroma e vdekjes së papritur” tek moshat deri në 40 vjeç është një sindrom që haset në të gjithë botën dhe ndodh edhe tek personat e shëndetshëm dhe quhet sindromi i vdekjes së papritur aritmike. Një pjesë e rasteve kanë mbetur edhe të pashpjegueshme.
Edhe në në juglindje të vendin tonë situata është shqetësuese, pas humbjes së jetës së 4 adoleshëntëve për shkak të problemeve kardiake.
Bëhet fjalë për një 15-vjeçare nga qyteti i Ersekës, një 17-vjeçare në qytetin e Pogradecit, një 16-vjeçar në qytetin e Korçës dhe së fundmi një 12-vjeçar nga Maliqi.
“Dy personat e fundit, bëhet fjalë për miokardit akut. Këto janë me natyrë virale pasi i preket në mënyrë të menjëhershme i gjithë muskuli i zemrës duke e nxjerrë jashtë funksionit dhe precipiton një aritmi madhore që mund të jetë fatale”, shpjegon mjekja kardiologe në Spitalin e Korçës, Ilda Lera për A2 CNN.
Mjekja apelon që veçanërisht të rinjtë duhet të bëjnë kujdes në përdorimin e pijeve dhe lëndëve narkotike dhe natyrisht të mos neglizhojnë kontrollet.
