Skolioza idiopatike e adoleshentëve, një gjendje që provokon shtrembërimin e shtyllës kurrizore, prek mijëra fëmijë në gjithë botën, por nuk ka një shkak të njohur. Tashmë, shkencëtarët në Qendrën Riken, në bashkëpunim me Universitetin Keio në 
Japoni, kanë zbuluar një gjen të lidhur me këtë deformim. Studimi shpjegon se gjeni është i shoqëruar me një rritje të theksuar të proteinës Bnc2, e cila nga ana e vet rregullohet nga një tjetër proteinë, e quajtur Yy1.
Në këtë zbulim u arrit nga analizimi i 10 000 personave me dhe pa skoliozë. Rezutatet tregojnë se adoleshentët me variantin e shoqëruar me sëmundjen fillojnë të prodhojnë shumë Bnc2 gjatë pubertetiti, por duhet të ketë të pranishëm edhe faktorë të tjerë gjenetikë apo ambientalë. Hapi tjetër është të kuptohet se si Bnc2 mund të provokojë skoliozën dhe përse shqetësimet janë më të përhapura mes femrave sesa mes meshkujve.
“Skolioza është një sëmundje komplekse dhe misterioze me deformim të kurrizit që mund të kthehet në ankth për personat që e vuajnë”, shpjegon drejtuesi i studimit Shiro Ikegaua. “Jemi entuziastë që kemi gjetur një nukleotid polimorf të vendosur në kromozomin e nëntë njerëzor që është i lidhur me sëmundjen”./ Shëndet+
