Nga Ardiana Sinani, dermatologe
Skuqjet e fytyrës janë të përkohshme nga disa shkaqe të tilla të cilat na bëjnë të skuqemi si rezultat i të ndjerit keq emocionalisht në situata të ndryshme sociale, përdorimi i alkoolit apo përdorimi i ushqimeve pikante, ndyshimi i temperaturës së ambientit ku qëndrojmë, temperaturat e larta.
Të gjithë këta faktorë bëjnë që të rritet sasia gjakut që qarkullon në lëkurë dhe fytyra të bëhet më e kuqe. Mënjanimi i këtyre faktorëve reduktojnë dhe skuqjen e fytyrës.
Skuqjet e tjera në fytyrë vijnë si rezultat i sëmundjeve të lëkurës si Dermatitis Seborrheic apo Rozacea, një patologji që po haset gjithmonë e më shpesh sidomos në dekadën e tretë dhe të katërt të jetës.
