Burime bëjnë me dije për Faxweb.al se në spitalin e Sanatoriumit janë ezauruar të gjitë shtretërit, dhe tashmë nuk po pranohen më pacientë me Covid. Kjo situatë ka bërë që në mëngjesin e sotëm në spitalin Infektiv të ketë radhë të mëdha qytetarësh, të cilët janë në ankth për familjarët e tyre, ndërkohë që dhe kapaciteti i Covid 1 është drejt ezaurimit.
Në ditët e fundit ka pasur një rritje alarmantesh të rasteve Covid, duke qendruar me shifrat mbi 1 mijë, ndërkohë që dhe numri i të shtruarve në spitale është rrjedhimisht shumë i lartë.
Zyrtarisht Ministria e Shëndetësisë raportonte dje se në 4 spitalet COVID, po trajtohen 471 pacientë, 32 në terapi intensive nga të cilët 11 pacientë janë të intubuar. Në total në 4 spitalet Covid ka 550 shtretër, ndërkohë që në spitalin Covid 4 zakonisht shkojnë rastet më të lehta, që kanë nevojë për mbikqyrje post Covid.
Pikërisht ky spital ka dhe kapacitetet më të mëdha që nuk janë shftytëzuar, ndërkohë që situata paraqitet emergjente në tre strukturat e tjera, ku mjekët janë të detyruar që të punojnë jashtë kapaciteteve të tyre.
Në raste se do të ketë një ezaurim të këtyre spitaleve që gjenden në Tiranë, atëherë do të hapen dhe spitalet rajonale, duke nisur fillimisht me Elbasanin, Fierin dhe Vlorën. Nëse do të vazhdohet me këto ritme infektimesh situata duket se brenda ditësh do të jetë plotësisht jashtë kontrollit./FaxNews
