Spitali i Traumës sot është pa ujë. Mjekët thonë se ditën e tjera ka pasur ujë me orar të kufizuar, por gjatë ditës së mërkurë, uji është bllokuar tërësisht.
Një gjë e tillë sjell probleme të mëdha në punën e tyre, pasi mungesa e ujit çon në probleme me çdo gjë që lidhet me spitalin, rrezikon shëndetin e pacientëve, ndërsa rrit rrezikun që të gjithë të dëmtohen edhe më shumë.
Gazeta “Shëndet+” iu drejtua drejtorisë së Qendrës Spitalore, nga inxhinieri i së cilës mori si përgjigje: “Spitali paguan çdo muaj për ujin 36 milionë lekë. Kur ka ujë Lapraka, ka ujë dhe spitali. Nëse Lapraka nuk ka ujë, edhe këtu mungon. Për të shmangur probleme të tilla, ne kemi një depozitë e cila mund ta furnizojë spitalin për 4 orë. Sot kopshtari ka vaditur me ujin e pijshëm dhe prandaj ka pasur edhe mungesë të tij. Gjithsesi duam të theksojmë se në spital ujë ka, vetëm se është me orar”. Ende nuk arrihet të kuptohet se si kopshtari mban përgjegjësinë e lënies pa ujë të një qendre spitalore si ajo e Traumës./ Shëndet+
.
