Moral i ulët, mungesë përqendrimi, pak produktivitet dhe shumë ditë pune të humbura. Janë këto shenjat e stresit të punës, një problem që shqetëson 80% të kompanive evropiane. Por ama, vetëm një e treta e tyre ka përshtatur procedurat për ta luftuar atë. Një problem të tillë e ngre Agjencia Evropiane për Sigurinë dhe Shëndetin në Punë (EU-OSHA) që ka publikuar në internet një guidë të dedikuar për menaxhimin e e stresit të lidhur me punën.
Si fillim niset nga një përkufizim. Stresi nuk është në vetvete presioni i sfidave të përditshme, që janë një pjesë normale e jetës, por kur personi percepton “një mospërputhje mes kërkesave të punëdhënësit dhe burimeve fizike e mendore të vëna në dispozicion për t’i plotësuar këto kërkesa”.
Nuk bëhet fjalë për një sëmundje, por kjo mund të shkaktojë probleme me shëndetin, si prirje më e madhe për t’u prekur nga vieruset e bakteret, si dhe një proces shërimi më i ngadaltë. Përtej gjërave të lidhura me jetën private, janë arsye të ndryshme që sjellin probleme në vendin e punës: mungesa e mbështetjes, përfshirje dhe informacion i pakët mbi detyrat përkatëse, ngacmime, kërkesa jashtë 
kapacitetit të mundur. Pasojat e rënda bien mbi shëndetin e individit, por edhe mbi kompanitë: ky është shkaku i gjysmës së mungesave në punë dhe bëhet fjalë për 40% të tyre, si dhe mungesat janë më të gjata sesa ato që vijnë nga probleme të tjera shëndetësore. Për më tepër, rrit mundësinë e incidenteve në vendin e punës.
Si rrjedhojë vjen ideja e një udhëzuesi elektronik për punëdhënësit, sidomos për ata që kanë më pak se 50 punonjës.
Ja pra disa këshilla: si fillim, sensibilizimi i personelit për të njohur simptomat tek vetja dhe tek të tjerët, inkurajimi për të folur e diskutuar, si rrjedhojë për të vepruar në mënyrë të drejtës. Pra, për të evituar mosmarrjen e asnjë veprimi, sepse “të mos menaxhosh rreziqet psikosociale mund të jetë një kosto për kompaninë”, kujton udhëzuesi, për më tepër “është e gabuar edhe të mendosh se problemi nuk hyn në çështjet e kompanisë”. Në të kundërt, “shkaqet më të zakonshme të stresit të punës vijnë si rrjedhojë e praktikave të këqija dhe keqadministrimit”, mbi të cilat duhet të ndërhyni menjëherë./ANSA
