Evin Dani
Një ndër problemet që kam hasur gjatë përditshmërisë në punë, kanë qenë edhe problemet me madhësinë e penisit. Vazhdimisht kam pasur kërkesa apo pyetje sesi mund të bëhet për ta zmadhuar apo ndryshuar diçka të tillë. Duke qenë në kontakt dhe me literaturën botërore më lindi idea sesi mund të bëjmë edhe ne një studimin tonin. Në këtë studim morën pjesë rreth 390 meshkuj. Këtyre 390 meshkujve iu mat penisi në gjendje të lirë dhe në ereksion. Interesante ishte fakti që kur matja e penisit iu lihej në dorë individit kishte një rritje më të madhe të madhësisë së penisit si mesatar.
Nga këto studime u arrit që madhësia mesatare e penisit të meshkujve shqiptar arrin në 13.6 cm. Dëshira e pacientëve për të pasur një penis të madh është shumë e madhe dhe në kuadrin e studimit u pyetën edhe pacientë lidhur me faktin se a do të dëshironin të kishin një penis më të madh? Doli që rreth 68 % të pacientëve që marrin pjesë në studim dëshironin të kishin një penis më të madh. Madhësinë e penisit shumë prej tyre e lidhnin me performancën që do të kishin. Ata mendonin se duke pasur një penis më të madh. do të mund të kishin edhe një marrëdhënie seksuale më të fuqishme dhe më cilësore me partneren e tyre.
