Siç tha Shekspiri, ne të gjithë kemi hyrjet dhe daljet tona në këtë skenë madhështore që e quajmë jetë, dhe tani studiuesit kanë identifikuar pikën specifike në moshën e mesme kur qelizat tona të trurit tregojnë shenjat e para të fillimit të rënies.
Deri në moshën 25 vjeçare truri ynë është në zhvillim të plotë. Neuronet shumohen, lidhjet forcohen dhe korteksi paraballor, përgjegjës për logjikën, vendimmarrjen dhe kontrollin emocional, vazhdon të piqet. Por pas kësaj moshe, procesi ndryshon.
Kjo moshë, bazuar në skanimet e trurit dhe testet me 19,300 individë, është mesatarisht rreth 44 vjeç. Pikërisht këtu degjenerimi fillon të jetë i dukshëm, përpara se të arrijë shpejtësinë e tij më të madhe në moshën 67-vjeçare. Në kohën kur arrijmë të 90-at, shpejtësia e plakjes së trurit zvogëlohet.
Sipas ekipit që qëndron pas studimit të ri, të udhëhequr nga studiues nga Universiteti Stony Brook në SHBA, gjetjet mund të jenë të dobishme për gjetjen e mënyrave në promovimin e një shëndet më të mirë të trurit gjatë fazave të mëvonshme të jetës./sciencealert.com
