Mjeke pediatre
Është bërë fenomen i zakonshëm tashmë. Për një temperaturë të lartë 39°C prindi i drejtohet urgjencës. Grumbullimet e pajustifikuara në radhët e gjata të urgjencës mund t’a dëmtojë fëmijën tuaj, duke mbivendosur infeksione sekondare.
Kur duhet t’i drejtohemi urgjencës?
- Kur fëmija ka vështirësi në frymëmarrje, lëviz flegrat e hundëve kur merr frymë, i mavijoset buza.
- stridor (zhurma nga edema e laringut)
- të vjella që nuk dominohen në kushte shtëpie.
- diarre mbi 5-6 herë në ditë.
- dhimbje barku që shoqërohen me të vjella.
Porta e parë për të marrë shërbim shëndetësor, kudo në botë është mjeku i familjes. Ai ruan në dosje personale të gjithë ecurinë e sëmundjeve të mëparshme, analizat, zhvillimin e fëmijës etj.
Mjeku i urgjencës qetëson shenjat e sëmundjes, ndërsa mjeku i familjes e trajton të sëmurin me të gjithë kompleksitetin e problemeve që lidhen me ‘të: imunitetin, sëmundjet shoqëruese, kushtet e banesës, etj.
Është e rëndësishme të këshillohesh çdo çast me mjekun e familjes.
Vini re!
Temperatura e lartë nuk është urgjencë mjekësore! Është një reaksion mbrojtës i organizmit. Nuk kemi pse të frikësohemi. Organizmi ka mekanizma vet-rregulluese të temperaturës.
- Jepini sirup paracrtamol ose suposte. Ki durim…!
- Ndërkohë rehidroje femijën, jepi uji, çaji trisol!
- Hiqi rrobat e trasha, nxirre ne nje dhome te ajrosur mirë!
