Gjithnjë e më pak të rinj nëpër palestra, gjithnjë e më shumë të moshuar. Zumba, Pilates dhe biçikleta janë në 10-shen e tendencave botërore për 2015-n. 
Fitojnë stërvitjet pa pesha, dobësuese dhe për të moshuarit “e rinj”, të kujdesshëm për shëndetin dhe me portofolin më plot se të rinjtë. Këtë e tregon kërkimi i fundit mbi tendencat botërore për vitin 2015, e publikuar në revistën “American College of Sports Medicine” dhe e kryer nga Universiteti shtetëror i Xhorxhias mbi 3400 instruktorë palestre të qyteteve kryesore të Shteteve të Bashkuara, Amerikës së Jugut, Evropës dhe Azisë.
Në vendin e parë në këtë 10-she është tendenca e re “trajnim i peshës së trupit”, gjimnastikë bazë që shfrytëzon peshën e vetë trupit. Në vend të dytë vijnë stërvitjet e shpejta me maksimum prej 30 minutash. Në vend të tretë, gjithnjë e më shumë kërkesa për trajnerë të kualifikuar. Të stërvitesh me instruktor personal është bërë më e zakonshme dhe është në vend të pestë. Në vend të gjashtë është gjimnastika për dobësim. Joga mbetet në vend të shtatë, në vend të tetë janë stërvitjet për personat mbi 60 vjeç, në vend të nëntë ndodhet stërvitja funksionale që përmirëson ekuilibrin dhe rezistencën, ndërsa në vend të fundit stërvitjet me instruktor personal për grupe të vogla./ ANSA
