Gazetare: Klevisa GJIKA
Ministria e Shëndetësisë ka hapur një tender me vlerë 5.5 milionë euro, për materiale mbrojtëse deri në 2021. Hapja e tenderit lë të kuptohet se koronavirusi do të jetë prezent edhe për një vit tjetër. Qeveria duket po merr masa paraprake për furnizimin me artikuj të nevojshëm për përballimin e situatave të ardhshme të krijuara nga virusi keqbërës.
Tenderi është hapur në 14 korrik dhe ka afat deri në 28 gusht për paraqitjen e ofertave dhe më pas përzgjedhjen e fituesit. Ky i fundit duhet të furnizojë për 12 muaj Ministrinë e Shëndetësisë dhe institucionet shëndetësore të linjës me pajisje mbrojtëse personale për përballimin e situatës së COVID-19.
