Përshtati në shqip për “Shendeti.com.al”: Blertina Koka
Një tjetër test inteligjence po çmend internetin. Testi më i fundit ka një kusht të thjeshtë: duhet të gjeni në cilën kuti është makina.
Janë tri kuti, ku në secilën është vizatuar një makinë.
Tek të tria kutitë është shkruar një pohim lidhur me vendndodhjen e makinës, por vetëm njëri prej tyre është i vërtetë.
Kutia 1: Makina është këtu.
Kutia 2: Makina nuk është këtu.
Kutia 3: Makina nuk është tek kutia e parë.
Këto 3 pohime janë të mjaftueshme për të gjetur përgjigjen e saktë, edhe pse shumë njerëz të cilët janë përpjekur ta zgjidhin kanë dhënë përgjigjen e gabuar.
Në cilën kuti mendoni ju është makina?
Përgjigja e saktë: Makina është tek kutia 2.
Për të gjetur përgjigjen duhet të përdorni metodën e eliminimit.
Vetëm njëri nga pohimet është i vërtetë.
Nëse makina do të ishte tek kutia e parë, do të thotë se pohimet tek kutia e parë dhe e tretë të jenë të sakta, prandaj makina nuk është tek kutia e parë.
Nëse makina do të ishte tek kutia e tretë, atëherë dy pohimet tek kutia e dytë dhe e tretë do të ishin të sakta, prandaj përgjigja nuk mund të jetë kutia e tretë.
Kështu makina është tek kutia e dytë dhe vetëm pohimi i tretë është i saktë.
Ndonëse mund të duket e pakuptueshme, kjo lojë na mëson të mos besojmë gjithçka që thuhet; e gjithë logjika është të kuptojmë kush gënjen.
