Drejtoria Rajonale e Qarkut të Fierit ka ndërmarrë mëngjesin e sotëm një inspektim në qytetin e Patosit, për të kontrolluar të 
gjitha makinat që transportojnë bukë drejt dyqaneve të tyre të tregtimit. Gjatë kontrolleve të bëra janë bllokuar dy makina që transportonin bukë për mungesë kushtesh higjieno-sanitare për mbajtjen e bukës. Gjiithashtu, nga inspektorët e DRAKU Fier u sekuestruan 120 bukë për shkak edhe të mungesës së etiketimit të tyre.
Si pasojë e këtyre shkeljeve janë gjobitur transportuesit e bukës, përkatësisht me 100 mijë dhe 200 mijë lekë për secilën, në varësi edhe të kushteve të tyre.
Kontrollet do të vijojnë në të gjithë Qarkun e Fierit.
