Blerina Bombaj, dietologe
Të ushqyerit me gji e foshnjës është mënyra më e mirë për t’i dhënë atij themele të forta të imunitetit, për shëndetin e kockave, trurit dhe gjithë 
organeve vitale. Për më shumë, është mënyra më e mirë për të krijuar lidhje unike midis nënës dhe fëmijës. Gjatë kësaj periudhe ushqimi i nënës është i rëndësishëm për cilësinë e qumështit. Gjithashtu, disa ushqime që konsumon nëna mund të ndikojnë negativisht në shijen e qumështit dhe t’ia bëjnë atë të papëlqyeshëm bebit. Të tilla ushqime janë:
-lakra, hudhra, shpargu, qepa dhe agjinaret.
Disa të tjera mund të japin probleme të tretjes dhe gazra te foshnja. Të tilla janë:
-uthulla, proshutat, sallamet, djathrat e stazhonuar, erëzat, alkooli, kafja dhe çokollata.
Alkooli dhe kafeina kalojnë shpejt në gjak, prandaj përpiquni t’i konsumoni me masë dhe pas ushqyerjes me gji!
