Nga Blerina Bombaj
Dietologe
Për fat të mirë, ka një sërë ushqimesh dhe bimësh të fuqishme antivirale që forcojnë sistemin imunitar , reduktojnë inflamacionin dhe luftojnë infeksionet.
- Çaji jeshil përmban flavonoide të cilët kanë një ndikim antiviral të drejtepërdrejtë.
- Tërshëra përmban beta glukane të cilat mund të ndikojnë pozitivisht edhe direkt edhe indirekt kundër viruseve. Beta glukanet kanë gjithashtu efekt antikoleseterolemik duke mbrojtur kështu shëndetin e zemrës dhe enëve të gjakut.
- Hudhrat, qepët, cikoret, asparaget, bananet, topinamburi dhe agjinaret përmbajnë fruktane të cilat besohet të luajne rol të rëndësishem antiviral.
- Qumështi përmban laktoferrine – një proteine me një potencial të rëndësishëm antimikrobial antiinflamator dhe imunomodulues.
- Frutat e thata (arrat, bajamet, lajthite), farat e kungullit dhe të lulediellit, peshku, avokado dhe vajrat e tyre përmbajnë yndyrna pozitive që ndihmojnë në bllokimin e shumimit të virusit.
- Kërpudhat, perveçse përmbajne fitokimikate që rrisin përshtatshmërinë e trupit ndaj stresit me origjinë të ndryshme, përmbajnë edhe hekur dhe zink, dy minerale shumë të rëndesishme në reaksionet imunitare.
- Perimet si karrotat, brokoli, spinaqi, rukola, lakra kale, janë të pasura në vitaminë A, e cila luan një rol thelbësor në imunitetin tonë.
- Frutat si agrumet, kivi dhe perimet si specat e kuq, brokoli, rukola dhe domatet përmbajne vitaminë C, një antioksidant shumë i rëndësishëm për organizmin pasi jo vetëm luan rol kritik në veprimtarinë imunitare, por është një substancë që trupi ynë nuk e prodhon dot dhe as nuk e depoziton dot.
- Vezët, peshku ton, sardelet, mishi i pulës dhe mishi i viçit përmbajnë Zink dhe Selen, minerale që forcojnë imunitetin dhe neutralizojnë stresin oksidues përkatësisht.
- Thjerrzat, qiqrat dhe fasulet janë të pasura në magnez dhe kompleksin e vitaminave B, si dhe në fibra që sigurojnë mirëqenien e aparatit tretës ku gjendet edhe një pjese e mirë e imunitetit tonë.
