Mënyra më e thjeshtë dhe më efektive për të arritur shëndet të mirë dhe jetë të gjatë, përqendrohet në të ushqyerit tuaj. Ushqimet me efekte antioksiduese janë kryefjala kundër plakjes së lëkurës.
Boronica: është një frut shumë i shëndetshëm që lufton plakjen. Boronica përmban antioksidues të shumtë që ndihmojnë në përmirësimin e kujtesës dhe parandalimin e sëmundjes së alcajmerit. Ato janë mjaft të mira për të eliminuar inflamacionin, një ndër shkaqet kryesore që çon në plakjen e lëkurës.
Shalqiri: është i mbushur me antioksidues dhe ju ndihmon të ndiheni më të rinj. Në shalqi gjendet citrulinë, një antioksidues i cili ndihmon trupin në eliminimin e toksinave, nxit metabolizmin dhe mban sistemin imunitar të shëndetshëm. Shalqiri ka përmbajtje të lartë uji dhe e mban trupin dhe lëkurën të hidratuar.
Hudhra: për shkak të vetive të larta antioksiduese që mbart, hudhra vepron kundër infeksioneve të lëkurës pasi është anti-bakteriale, anti-virale dhe anti-fungale.
Vera: pirja e verës në mënyrë të moderuar (një gotë në ditë) mbron kundër sëmundjeve të zemrës, diabetit dhe humbjes së kujtesës, sëmundje këto që lidhen kryesisht më moshën. Vera e kuqe përmban resveratrol, një kompleks që mund të aktivizojë gjenet e lira që ngadalësojnë plakjen qelizore.
Limoni: është agrum i pasur me antioksidues dhe vitaminë C, ndihmon në ruajtjen e elasticitetit të lëkurës dhe mban larg rrudhat.
Vaj kokosi: përdoreni në formë locioni trupi, sepse ka veti anti rrudhë dhe e bën lëkurën më elastike.
Veza: është një nga produktet më të përdorura në kozmetikë për shkak të acideve esenciale dhe mineraleve që përmban. Proteinat janë ushqyese thelbësore në ndërtimin, riparimin dhe mirëmbajtjen e indeve të brendshme të trupit dhe muskujve.
Brokoli: është ushqim shumë i mirë që ndihmon kundra plakjes. I pasur me vitaminë C, ndihmon në parandalimin e rrudhave dhe thatësinë e lëkurës.
Avokado: është një ushqim që përmban shumë përbërës kundër plakjes. Avokado përmban sasi të larta të vitaminës E, e cila ndihmon në arritjen e një lëkure sa më të pastër dhe pa rrudha. Ky frut ka përbërës që shërbejnë për të balancuar nivelet e pehashit në trup dhe krijon ekuilibër të brendshëm, gjë e cila çon në parandalimin e sëmundjeve dhe ju ndihmon të dukeni më të rinj.
Përshtati në shqip për “Shëndet+”: Daniela Bardhi
