A mund ta përhapin adoleshentët COVID-19 te njerëzit e tjerë edhe nëse kanë simptoma të lehta ose aspak?
Përgjigjja është po. Njerëzit e infektuar në të gjitha grupmoshat, përfshirë adoleshentët mund ta transmetojnë virusin te njerëzit e tjerë, edhe nëse ata kanë simptoma të lehta ose nuk ndihen të sëmurë.
Virusi përhapet nga personi në person përmes grimcave të lëngshme si aerosolet (më të vogla) dhe pikat (më të mëdha) nga hunda ose goja të cilat përhapen kur një person me COVID-19 kollitet, teshtin ose flet. Njerëzit mund të infektohen me COVID-19 nëse marrin frymë nga këto pika nga një adoleshent i infektuar me virusin.
Prandaj, është e rëndësishme të qëndroni të paktën 1 metër larg nga të tjerët. Këto pika mund të ulen në objekte dhe sipërfaqe. Njerëzit më pas mund të infektohen duke prekur këto objekte ose sipërfaqe, dhe më pas duke prekur sytë, hundën ose gojën e tyre.
Shoqata Together for Life, për të rritur ndërgjegjësimin ndaj vaksinimit për COVID-19, në kuadër të fushatës “Le të flasim për vaksinat”, mbështetur nga Organizata Botërore e Shëndetësisë në Shqipëri – WHO Albania.
