Shefja e ISHP Silva Bino, konfirmon se mutacioni i Covid-19 ka mbërritur në Shqipëri.
Pak më parë, në daljen publike të Komitetit, Bino ka thënë se nga analizat e kryera është konfirmuar prezenca e variantit të ri dhe në vendin tonë.
“Në Shqipëri janë identifkuar mutacione të Sars Cov-2 . Janë analizuar në mostra që kanë pasur një dyshim epidemiologjik.
Janë persona që kanë pasur kontakt me personat që ku është evidentuar mutacioni apo kanë qenë persona që kanë udhëtuar jashtë shteti, kanë ardhur në Shqipëri apo kanë qenë të reinfektuar, dhe persona që kanë ardhur nga survejanca e sëmundjeve të rënda respitatore, pra shtrime në të gjitha spitalet e vendit.
Këto janë 70 % të mostrave që kemi ekzaminuar ka rezultuar mutacioni B.1.1.7 që i përket variantit britanik. Ky mutacion shton transmetueshmërinë e virusit dhe përhapjen e tij”, tha Bino./newsbomb
