Përshtati në shqip për “Shendeti.com.al”: Blertina Koka
Shënohet rasti i parë i lindjes së një fëmije me virusin Zika në Evropë. Një grua nga Spanja e infektuar me virusin Zika ka lindur një foshnje me sëmundjen mikrocefali në tru. Që kur ishte shtatzënë mjekët i patën paralajmëruar prindërit që fetusi është i prekur nga virusi Zika, megjithatë ata vendosën që të mbajnë beben.
Foshnja është lindur me prerje cezariane pas 40 javësh shtatzëni. Mjekët konfirmojnë se koka e fëmijës është më e vogël se normalisht, shenjë kjo e virusit Zika. Ndërsa nga ana shëndetësore foshnja është mirë.
Ky rast mendohet të jetë i pari në Evropë. Një grua shtatzënë nga Sllovenia vendosi të abortojë foshnjën pasi zbuloi se ishte prekur nga virusi Zika.
Burimi: BBC / https://shendeti.com.al/
